काठमाडौँ । आज बिहिबार पनि सुनको मूल्य घटेको छ । नेपाल सुनचाँदी व्यवसायी महाँसंघका अनुसार आज छापावाला सुन  २२०० रुपैयाँले  घटेर प्रतितोला १ लाख ६० हजार रुपैयाँ कायम भएको छ । बुधबार सुनको मूल्य  प्रतितोला १ लाख ६२ हजार २०० रुपैयाँ थियो ।

चाँदीको मूल्य पनि आज ३५ रुपैयाँले घटेको छ । बुधबार प्रतितोला १ हजार ९४० रुपैयाँ रहेको चाँदीको मूल्य घटेर बिहीबार १ हजार ९०५ रुपैयाँ कायम भएको हो ।मङ्सिर नजिकिएसँगै बजारमा सुनचाँदीको सिजन सुरु भएको छ । अन्तर्राष्ट्रिय बजारमा भाउ घटेसँगै नेपाली बजारमा सुन सस्तो बन्दै जाँदा सर्वसाधारणले राहतको महसुस गरेका छन् ।