काठमाडौं । नेपाली कांग्रेसका उपसभापति धनराज गुरुङले  पूँजी निर्माणलाई ध्यान नदिई जथाभावि खर्च गर्ने नेताहरुलाई ठिक ट्रयाकमा ल्याउनुपर्ने बताएका छन् । 

बुधबार काठमाडौंमा ७३ औं अन्तराष्ट्रिय भन्सार दिवसको अवसरमा आयोजित कार्यक्रममा बोल्दै उनले व्यवस्थापनको क्षमता भएन भने जति ऋण र अनुदान ल्याए पनि देश जहिँको त्यही हुने बताएका हुन् । 
उनले भने,‘वल्ड म्यानेजमेन्ट स्किल यदी हामीसँग भएन भने जति ऋण जति अनुदान जे ल्याए पनि हामी फेरी जहाँको त्यही उभिन्छौं । हामी सँगै भएको देश कहाँ पुग्यो, तर हामी जहाँको त्यही किन उभिएको छौं ? हामी जस्तो पूँजी निर्माणलाई ध्यान नदिई जथाभावि खर्च गर्ने नेताहरुलाई ठिक ट्रयाकमा ल्याउनु हुन्छ कि भन्ने आशा पलाएको छ ।’ 

त्यस्तै अर्थसचिव राम प्रसाद घिमिरेले आफूहरुबाट कुनै व्यवसायलाई संकुचित हुने खालको क्रियाकलापहरु नभएको दाबी गरे । छुट्टै भन्सार महशुल ऐन आइसकेको कारण धेरै भन्सारमा धेरै सुधार हुने अपेक्षा रहेको बताए । उनले भने, ‘हामीले जानि बुझिकन कुनै व्यवसायलाई संकुचित हुने हाम्रो उद्देश्य छैन र हुनु हुँदैन् पनि । कहिलेकाँही सानो व्यवसायीको कुरा आउँदैन् । सकेसम्म सबैको आउनुपर्छ । हामीले आर्थिक सुधार गर्ने कुरामा भन्सार महसुल सुधार गर्ने कुरामा हामी गर्छौं । धेरै हदसम्म चाँही भन्सार महशुल ऐन आइसकेको छ यसले धेरै सरल हुन्छ भन्ने लाग्छ अभ्यासकै क्रममा छौं ।’