काठमाडौँ । काठमाडौँबाट पोखराका लागि उडेको सौर्य एयरलाइन्सको जहाज बुधबार बिहान दुर्घटना भएको छ । विमान करिब ११ बजेतिर दुर्घटना भएको हो ।विमानस्थलबाट उड्नेबित्तिकै असन्तुलित भएर जहाज तल भूइँमा खसेको बताइएको छ ।

दुर्घटनापछि विमानमा आगलागी भएको थियो ।  विमानमा १९ जना सवार रहेको प्रारम्भिक विवरण प्राप्त भएको छ ।दुर्घटनामा परेको स्थानबाट क्याप्टेन ३७ वर्षीय मनिष शाक्य को उद्धार गरिएको छ  । उनलाई सिनामंगलको केएमसी अस्पतालमा उपचारका लागि पठाइएको काठमाडौं उपत्यका प्रहरी कार्यालय रानिपोखरीका प्रवक्ता तथा एसएसपी दिनेशराज मैनालीले जानकारी दिए ।